ما هي قصتنا
" في حدا عزمني على مشروب، مقلتش لأ وقضينا وقت مع بعض"
" فش عندي محل انام في، لهيك عندي أصدقاء الي بدعموني بالمصاري ومرات بنام معهن"
صار معك مره انك انقطعت بدون مصاري؟ انو كتير بدك ايشي ومعكاش تشتري؟؟ وفجأه بتلتقي بحدا يحكيلك انو حابب يدلعك، وبالاخر فهمت انو بدو ايشي بالمقابل؟ يمكن ايشي جنسي كمقابل؟؟
بتعرف هيك أشياء؟؟ صار معك مره هيك؟؟ تعبت من انك تكون لحالك؟؟
وصلت للمكان الصح!
مشروع القلب 24/7 يوفر لك مكان امن للحوار على مواضيع الدعارة، والاعتدائات الجنسية وسفاح القربى (الاعتدائات الجنسية داخل العائلة) والمخدرات والاهل وعدم توفر مكان للمبيت او أي موضوع اخر.
المشروع مخصص للشباب من جميع الاجناس وجميع الأديان من 13-21 الموجودين في نطاق الدعارة بدرجات مختلفة.
استنى فش داعي للخوف! المقصود بالدعارة هو استعمال الجسد لاخذ مقابل، المقابل ممكن يكون، بوسة او مداعبة او جنس مقابل اشي، ممكن يكون سجاير او مشروب او مكان للنوم او اكل او ملابس او الدخول الى بار او مصاري.
في القلب 24/7 الدعارة مش سر، بنفع نحكي عنها وبنفع نحكي على كلشي دائما.
احنا بنسمعك ولا مره بنحكم عليك.
فكرت انو تحكي معنا تليفون؟ او تراسلنا عن طريق التشات؟؟ممكن انك تتوجهلنا بطريقه سرية وبدون ما تعرفنا على اسمك.
فكرت تلتقي معنا وتتعرف علينا؟؟ كمان ممكن.
فش عندك مكان تنام في؟ او مكان ترتاح في ؟ عنا مركز كبير موجود بتل ابيب، الي ممكن تيجي عليه وتلاقي محل امن ولطيف لتحط راسك فبه وبس ترتاح.
فكرت تلاقي شغل؟ ومش عارف من وين تبدأ؟ كمان بنقدر نساعدك تلاقي شغل.
عندك ملان ديون الي صار عليها حكم بالتنفيذ ؟ مفش عندك فكره كيف تتعامل مع كل هاي العوامل الي بتهدد هدوئك النفسي؟
في هون مين بقدر يرافقك ومع بعض بنحاول نتعامل مع الأمور الي بتشكل تهديد عليك وبتقلقك؟
شو لازم ينعمل عشان نبدأ
توجه النا ومع بعض بنكمل