الجنس والجنوسة والجنسانية
" افهمي، انا بحياتي ما حسيت اني مثلي (هومو)، ما انجذبت لاشخاص مثليين ولا مره نمت معهن، مع هيك كل الوقت قالولي " انت هومو انت هومو" ولا مره فهمت شو بدهن! مش هيك انا حسيت، بس كنت بدي افهم مين انا، هيك هيك كثير صعب، انو انا ولا هون ولا هناك"
المشروع يقدم خدمات لكل أطياف الأنواع الاجتماعية بدون تفرقه! يعني، اذا انت ثنائي الجنس، او متحول\ه جنسيا او متعدد الجنس او عندك عدم وضوح لهويتك الجنسية او ميولك الجنسي- احنا هون عشان نفهم التركيبات بين عالم الدعارة للميول الجنسي والهوية الجنسية والعلاقة بينهم.
رح يتم ملائمة مسار علاجي متلائم مع النوع الاجتماعي لديك بقدر استطاعتنا. احنا مدركين ان الصعوبة كبيره واحيانا تكون الصعوبة اكثر شدة بحالة عدم تقبل المجتمع لك. احنا عارفين صعوبة الدخول في مسار تغيير الجنس، على المستوى العملي – لمن التوجه؟ ومن نستشير؟
وأيضا على المستوى الشخصي- "اذا بخبي مين انا عنجد، رح يحبوني اكثر؟؟"
"كيف اتعامل مع فقدان اشخاص قريبين علي الي اختاروا انهن يبعدوا عني عشان الهويه الجنسية تبعتي او ميولي الجنسية."؟
احنا موجودين
