قصص شخصيه

" هو خلاني احس اني بسوى، مميزه وجذابه ومش بس، كمان دفعلي على هيك."

" عزمني على مشروب وقضينا وقت مع بعض…" 

" فش عندي محل انام في، لهيك عندي أصدقاء الي بدعموني بالمصاري ومرات بنام معهن" 

" بوصلوني لكل محل، توصيلات ببلاش… وانا بالمقابل بخليهن يلمسوني.."

" نمت مع زلمه كبير وبعدها بيومين اشترالي جينس. ومن وقتها كل مره بنلتقي وبنام مع بعض وبالمقابل بدلعني بملان أشياء".

"تقاتلت مع اهلي بعد ما طلعت من الخزانه. حطولي ملان شروط الي مقدرتش أوقف فيهن، فهربت من البيت. انا عالق بمحلي بدون تليفون وبدون مصاري.

اتعرفت على زلمه الي اشترالي مشروب واقترح علي انام عنده، فش عندي محل انام فيه، فوافقت."

كل ليله بطلع مع صاحباتي وبلتقي مع ولاد كبار من المدرسه. مرات بنقعد بندخن ارجيله او بنشرب مع بعض. قبل اكم شهر واحد من الشباب  اخدني على جنب وحكالي انو بحبني وبسنا بعض واكتر شوي من هيك..من وقتها كل مره بطلع بنروح عجنب وبنعمل أشياء.

قبل أسبوعين قالي انو كتير بنبسط معي وانو عنده كمان اثنين صحاب الي بدهن يتعرفوا علي مثلو وسألني اذا موافقه. ترددت. بعدها بيوم اخدني شوبينج واشترالي جينس وبلوزتين الي كنت كتير حابه اشتريهن من قبل.

باليل كمان مره سألني، وكانلي مش حلو انو أقول لأ لانو اشترالي ملان شغلات، فوافقت. ومن وقتها كل ليله بروح مع واحد منهن عجنب وبعمل معهن شو بعمل معو. مرات بجيبولي هدايا ومرات لأ".