عزمني على مشروب

مقلتش لأ.. وقضينا وقت مع بعض..

صار معك مره انك انزنقت بدون مصاري واستعجلت تروح على البيت؟ وسائق التاكسي وافق انو يوصلك بس اذا….

ووافقت؟ صار معك مره انو حدا دلعك واشترالك ملان اشياء وبالاخر اكتشفت انو بتوقع منك اشي بالمقابل.. ووافقت

صار معك؟  يمكن صار معك اشي بشبه؟

كنت بدك تحكي عن الي صار معك مع حدا وما قدرت.

معنا

بنفع تحكي

بشو مشروعنا بقدر يساعدك؟ او شو بطلعلك؟

مشروع القلب 24/7 يوفر لك مكان امن للحوار على مواضيع الدعاره، والاعتدائات الجنسيه وسفاح القربى (الاعتدائات الجنسيه داخل العائله) والمخدرات والاهل وعدم توفر مكان للمبيت او أي موضوع اخر.

المشروع مخصص للشباب من جميع الاجناس وجميع الأديان من 13-21 الموجودين في نطاق الدعاره بدرجات مختلفه.

استنى فش داعي للخوف!  المقصود بالدعاره هو استعمال الجسد لاخذ مقابل، المقابل ممكن يكون، بوسه او مداعبه او جنس مقابل اشي،  شو  الاشي؟ ممكن يكون سجاير او مشروب او  مكان للنوم او اكل او ملابس او الدخول الى بار او مصاري.

في القلب   24/7 استعمال الجسم مش سر، بنفع نحكي عنه وبنفع نحكي على كل شيء دائما.

معنا وعنا بنفع نحكي على الجنس والاستغلال والاغتصاب والحمل والامراض المنقوله جنسيا وعلى الدعاره والزباين والخواريف.

كيف ممكن نساعد؟

مكان مفتوح وامن

مبيت

توظيف وتأهيل مهني

مرافقه شخصيه\ علاقات شخصيه

نقود\ المطالبه بالحقوق \التأمين الوطني\ استشاره قانونيه

الجنس والجنوسه والجنسانيه

قصص شخصيه

  • " هو خلاني احس اني بسوى، مميزه وجذابه ومش بس، كمان دفعلي على هيك."
    " عزمني على مشروب وقضينا وقت مع بعض…"
    " فش عندي محل انام في، لهيك عندي أصدقاء الي بدعموني بالمصاري ومرات بنام معهن"
    " بوصلوني لكل محل، توصيلات ببلاش… وانا بالمقابل بخليهن يلمسوني.."

  • " نمت مع زلمه كبير وبعدها بيومين اشترالي جينس. ومن وقتها كل مره بنلتقي وبنام مع بعض وبالمقابل بدلعني بملان أشياء".

  • "تقاتلت مع اهلي بعد ما طلعت من الخزانه. حطولي ملان شروط الي مقدرتش أوقف فيهن، فهربت من البيت. انا عالق بمحلي بدون تليفون وبدون مصاري.
    اتعرفت على زلمه الي اشترالي مشروب واقترح علي انام عنده، فش عندي محل انام فيه، فوافقت."

  • قبل أسبوعين قالي انو كتير بنبسط معي وانو عنده كمان اثنين صحاب الي بدهن يتعرفوا علي مثلو وسألني اذا موافقه. ترددت. بعدها بيوم اخدني شوبينج واشترالي جينس وبلوزتين الي كنت كتير حابه اشتريهن من قبل.
    باليل كمان مره سألني، وكانلي مش حلو انو أقول لأ لانو اشترالي ملان شغلات، فوافقت. ومن وقتها كل ليله بروح مع واحد منهن عجنب وبعمل معهن شو بعمل معو. مرات بجيبولي هدايا ومرات لأ".